So‘nggi kunlarda Ukrainaning sharqiy qismida hukm surayotgan sovuq ob-havo og‘ir harbiy texnikadan foydalanishni ko‘paytirishga sabab bo‘lmoqda, chunki yerlar qattiq muzlagan. Biroq Bloomberg agentligining yozishicha, uzoq sovuq paytida na Rossiya, na Ukraina tomonidan hujumlar sodir bo‘lishi mumkin — sovuq tufayli dronlar va radiostansiyalarning batareyalarini ikki baravar tez zaryadlashga to‘g‘ri kelmoqda, ko‘rish darajasining yomonlashuvi esa dronlarni artilleriyani razvedka qilish va boshqarish uchun yaroqsiz holga keltirmoqda.
Yerning muzlashi g‘ildirakli va izli transport vositalaridan foydalanishning ko‘payishiga imkon bergan bo‘lsa-da, bunday havo yangi hujumni tashkil qilishdan oldin qo‘mondonlar e’tiborga olishi kerak bo‘lgan ko‘plab omillardan biridir, deb yozadi Bloomberg Londondagi Qirollik Birlashgan Xizmatlar Instituti tahlil markazi xodimi Ed Arnoldga tayanib.
2023-yil boshidan buyon G‘arb davlatlari Ukrainaga harbiy yordamni kuchaytirdi. Yangi turdagi qurollarni yetkazib berishdan tashqari, g‘arb instruktorlari tomonidan o‘qitilayotgan ukrainalik harbiylar soni ham ortmoqda. Bundan tashqari, Polsha xalqaro koalitsiya tarkibida Kiyevga 14 ta Leopard 2 tankini yetkazib berishini ma’lum qildi. Politico Britaniya Mudofaa vazirligiga tayanib, Ukraina Britaniyaning Challenger 2 tanklarini olishi mumkinligini xabar qildi.
Izoh (0)