AOKAda o‘tkazilgan brifingda “O‘zsuvta’minot” AJ axborot xizmati rahbari Akmal Murodov ichimlik suvi ta’minoti va oqova suvlarni chiqarib yuborish borasida 2022-yilda amalga oshirilgan ishlar haqida ma’lumot berdi.
Qayd etilishicha, 2022-yilda barcha dasturlar doirasida 3,3 trillion so‘m budjet mablag‘lari va xalqaro moliya institutlarining 185,5 million dollar mablag‘lari o‘zlashtirilgan. Buning hisobidan jami 7 130,1 kilometr ichimlik va 232,9 kilometr oqova suv tarmoqlari tortilib, 859 ta ichimlik va oqova suv inshootlarini qurilgan hamda rekonstruksiya qilingan.
Bundan tashqari, hududiy suv ta’minoti korxonalarining o‘z mablag‘lari hisobidan jami 82,8 kilometr ichimlik suvi tarmoqlari tortilib, 7 ta suv qudug‘i qazilgan va 121 ta yangi nasos uskunalari o‘rnatilgan,
Shuningdek, 44,9 milliard so‘m moliyalashtirish evaziga 1,8 ming kilometr ichimlik suvi tarmoqlari va 2 mingga yaqin nasos uskunalari mukammal va joriy ta’mirlangan. 2022-yilda suv hisoblagichlari bilan ta’minlanganlik 64,3 foizga yetkazilgan.
Izoh (0)