Henley & Partners xalqaro konsalting kompaniyasi Xalqaro havo transporti assotsiatsiyasi ma’lumotlariga tayangan holda pasportlarning global reytingini yangiladi.
Ro‘yxat pasport egalari vizasiz kirishi mumkin bo‘lgan davlatlar soniga qarab tuzilgan. Mumkin bo‘lgan mamlakatlar soni qavs ichida ko‘rsatilgan.
10 ta eng yaxshi pasportlar:
- Yaponiya (193)
- Singapur (192)
- Janubiy Koreya (192)
- Germaniya (190)
- Ispaniya (190)
- Finlyandiya (189)
- Italiya (189)
- Lyuksemburg (189)
- Avstriya (188)
- Daniya (188).
10 ta eng yomon pasportlar:
- Afg‘oniston (27)
- Iroq (29)
- Suriya (30)
- Pokiston (32)
- Yaman (34)
- Somali (35)
- Falastin (38)
- Nepal (38)
- Shimoliy Koreya (40)
- Liviya (41).
2022-yilning iyul oyida O‘zbekiston ro‘yxatda bir pog‘ona pastlab, 88-o‘rinni egallagan edi. 2023-yilda esa mamlakat 85-o‘rinda qayd etilgan. Mamlakat fuqarolari hamon 59 ta davlatga vizasiz kirishlari mumkin.
Markaziy Osiyo davlatlari orasida O‘zbekiston pasporti faqat Turkmanistonnikidan (90-o‘rin) yaxshiroq o‘rinni egallagan.
Bu borada eng yaxshi pog‘onani Qozog‘iston qayd etdi — 70-o‘rin. Ushbu mamlakat fuqarolari 76 ta davlatga vizasiz kirish imkoniga ega.
Qirg‘izistonda (81-o‘rin) bu ko‘rsatkich 64 ta bo‘lsa, Tojikistonda (84-o‘rin) 60 mamlakat.
Izoh (0)