O‘zbekiston 2022-yilning yanvar—noyabr oylarida 16 ta davlatga qiymati 33,2 mln dollarga teng bo‘lgan 135,8 ming tonna qovun va tarvuz eksport qilgan. Bu haqda Davlat statistika qo‘mitasi xabar bermoqda.
Qovun va tarvuz eksporti hajmi 2021-yilning mos davriga nisbatan solishtirilganda 53,8 ming tonnaga ko‘paygan.
O‘zbekiston 2022-yilning 11 oyida eng ko‘p qovun va tarvuz eksport qilgan davlatlar orasida Qozog‘iston yetakchilik qilmoqda — 58,2 ming tonna. Bu 2021-yilning mos davriga nisbatan 25 ming tonnaga ko‘pdir.
O‘zbekistondan qovun sotib olish bo‘yicha Rossiya (28,1 ming tonna) ikkinchi o‘rinda borayotgan bo‘lsa, Qirg‘iziston (27,2 ming tonna) uchinchi bo‘lmoqda. Mazkur uchlik 2021-yilning o‘n bir oyiga nisbatan o‘zgarmagan.
Rossiya va Ukraina o‘rtasidagi urush oqibatida O‘zbekistonning Ukrainaga qovun va tarvuz eksporti deyarli to‘xtab qolgan. 2021-yilda mamlakat Ukrainaga 5,6 ming tonna qovun-tarvuz yetkazib bergan edi.
2022-yilning yanvar—noyabr oylariga ko‘ra o‘zbek qovun-tarvuzlari Tojikiston (14,5 ming tonna), Latviya (2,8 ming tonna), Belarus (2,4 ming tonna), Germaniya (868 tonna) va Polshaga (684 tonna) eksport qilingan.
Avvalroq 2022-yilda O‘zbekiston tarvuz eksporti bo‘yicha rekordni yangilagani haqida xabar berilgan edi.
Izoh (0)