Jahon banki doimiy yuqori inflyatsiya tufayli 2023-yil uchun global iqtisodiy o‘sish prognozini keskin pasaytirdi. (pdf.)
Jahon bankining hisobotida qayd etilishicha, joriy yilda jahon yalpi ichki mahsuloti 1,7 foizga o‘sadi. Olti oy oldin bu ko‘rsatkich 3 foizga o‘sishi kutilayotgan edi.
Global iqtisodiy o‘sish sur’atlarining sekinlashishi uning retsessiyaga yaqinlashayotganidan dalolat beradi.
Aholi jon boshiga yillik jahon daromadining pasayishiga yuqori inflyatsiya, shuningdek, ayrim mamlakatlarda pul-kredit siyosatining keskinlashuvi sabab bo‘ladi.
Hisobotda ta’kidlanganidek, iqtisodiy rivojlanish bo‘yicha jahonning uchta asosiy yetakchisi –— AQSH, Yevropa va Xitoy iqtisodiy ko‘rsatkichlarning keskin pasayishiga duch keladi. Bu esa rivojlanayotgan mamlakatlar bozorining yomonlashuviga olib keladi.
Yuqoridagi omillarni hisobga olgan holda Jahon banki global iqtisodiy o‘sish sur’atlari 2023-yilda 1,7 foizga, 2024-yilda esa 2,7 foizga sekinlashishini kutmoqda.
Bundan tashqari, bank rivojlangan mamlakatlarning 95 foizi va rivojlanayotgan mamlakatlarning 70 foizi uchun 2023-yilga mo‘ljallangan iqtisodiy o‘sish prognozlarini qisqartirishini ma’lum qildi.
Bu yil AQSH yalpi ichki mahsuloti 0,5 foizga oshadi. Shu bilan birga, Yevrozona iqtisodiyoti hajmi 2022-yilga nisbatan o‘zgarmaydi.
Izoh (0)