Ўзбекистон энг яхши паспортлар рейтингида уч поғона юқорилади. Мамлакат Ўрта Осиё бўйича фақат Туркманистондан олдинда

Henley & Partners халқаро консалтинг компанияси Халқаро ҳаво транспорти ассоциацияси маълумотларига таянган ҳолда паспортларнинг глобал рейтингини янгилади. 

Рўйхат паспорт эгалари визасиз кириши мумкин бўлган давлатлар сонига қараб тузилган. Мумкин бўлган мамлакатлар сони қавс ичида кўрсатилган.

10 та энг яхши паспортлар:

• Япония (193)
• Сингапур (192)
• Жанубий Корея (192)
• Германия (190)
• Испания (190)
• Финляндия (189)
• Италия (189)
• Люксембург (189)
• Австрия (188)
• Дания (188).

10 та энг ёмон паспортлар:

• Афғонистон (27)
• Ироқ (29)
• Сурия (30)
• Покистон (32)
• Яман (34)
• Сомали (35)
• Фаластин (38)
• Непал (38)
• Шимолий Корея (40)
• Ливия (41).

2022 йилнинг июль ойида Ўзбекистон рўйхатда бир поғона пастлаб, 88-ўринни эгаллаган эди. 2023 йилда эса мамлакат 85-ўринда қайд этилган. Мамлакат фуқаролари ҳамон 59 та давлатга визасиз киришлари мумкин. 

Марказий Осиё давлатлари орасида Ўзбекистон паспорти фақат Туркманистонникидан (90-ўрин) яхшироқ ўринни эгаллаган.

Бу борада энг яхши поғонани Қозоғистон қайд этди — 70-ўрин. Ушбу мамлакат фуқаролари 76 та давлатга визасиз кириш имконига эга.

Қирғизистонда (81-ўрин) бу кўрсаткич 64 та бўлса, Тожикистонда (84-ўрин) 60 мамлакат.