2022-yilda Janubiy Koreyada ish bilan band fuqarolar soni 816 ming kishiga ko‘paydi, bu 22 yil ichida rekord darajadagi yillik o‘sishdir. Bu haqda chorshanba kuni Yonhap agentligi hukumat statistikasiga tayanib xabar berdi.
Ish bilan band aholining umumiy soni 28,08 million kishini tashkil etadi. Agentlik ma’lumotlariga ko‘ra, mazkur statistika koronavirus pandemiyasi sabab bo‘lgan inqirozdan keyin iqtisodiyotning tiklanishini aks ettiradi.
Shunday qilib, 2022-yilda ish bilan band aholi sonining o‘sishi ikki barobardan ko‘proqni tashkil etdi: 370 mingta ish o‘rni yaratildi. Ishsizlik darajasi yillik hisobda 0,8 foiz punktga kamayib, 2,9 foizni tashkil etdi.
“2022-yilda normal turmush tarziga qaytish, iqtisodiy faollik va eksportning o‘sishi, tibbiy xizmatlarga bo‘lgan talabning o‘sishi xodimlar sonining umumiy o‘sishiga olib keldi. Ammo mamlakatdagi va xorijdagi iqtisodiy vaziyat tufayli, shuningdek, past baza ta’sirini hisobga olgan holda yilning ikkinchi yarmida o‘sish sekinlashdi”, — dedi Janubiy Koreya milliy statistika xizmati vakili Kong Mi Suk.
Ish o‘rinlarining eng ko‘p o‘sishi tibbiy xizmat, ijtimoiy ta’minot, sanoat, mehmonxona va restoran biznesida qayd etildi. Aksincha, ulgurji va chakana savdo tarmoqlarida, moliya sektorida, sug‘urtada band bo‘lganlar sonining kamaygani qayd etildi.
Ish bilan band bo‘lganlar sonining bunday o‘sishi oxirgi marta 2000-yilda Osiyo moliyaviy inqirozidan tiklanish fonida qayd etilgan edi.
Izoh (0)