Yevropada 2022-yil noyabri va 2023-yil yanvar oyi boshida issiq ob-havo gaz narxining o‘tgan yilgi ko‘rsatkichlarga – TTF indeksi uchun yaqin fyucherslarda 1 MVt/soat uchun 69 yevroga (1 000 kub metr uchun taxminan 780 dollar) tushishiga sabab bo‘ldi. Bu haqda “RBK” xabar bermoqda.
Qayd etilishicha, bu gaz narxi o‘tgan yildagi eng past va 2022-yil avgust oyidagi eng yuqori narxdan besh baravar past bo‘lgan.
EBW Analytics ekspertlari ta’kidlashicha, 2023-yil yanvar oyining boshi kamida oxirgi 15 yildagi eng issiq davr bo‘ldi.
Ular, shuningdek, havoning iliq bo‘lishidan tashqari, gaz narxining pasayishiga yana bir sabab shamol energiyasi ishlab chiqarishning ko‘payishi ekanini ta’kidlashadi.
Natijada Yevropa gazni tejashga va zaxiradagi gazni deyarli tarixdagi rekord darajada ushlab turishga muvaffaq bo‘ldi.
Rossiyadan yetkazib berishning qisqarishi Yevropadagi gaz narxlari dinamikasiga ta’sir qilmadi, chunki Rossiya quvur liniyasi gazining Yevropa iste’molidagi ulushi hozirda taxminan 4 foizni tashkil qiladi.
Weather.com ob-havo ma’lumotlariga ko‘ra, 2023-yil 1-yanvar kuni Berlinda kunlik havo harorati plyus 15 daraja, Parijda plyus 14 darajani tashkil qilgan.
“2022-yilning kuzida Yevropada havo ham iliq bo‘ldi, oktabr oyida 2000-yildan beri harorat 18 darajadan pastga tushgan kunlarning minimal soni kuzatildi”, — deb yozadi Bloomberg Maxar Technologies va Marex prognoz markazlari ma’lumotlariga asoslanib.
Bu butun Yevropa bo‘ylab to‘ldirish darajasi 95 foizga, Germaniyada 99 foizga yetadigan omborxonalardagi gaz zaxiralarini saqlab qolish imkonini berdi.
XVJ ma’lumotlariga ko‘ra, Rossiyadan Yevropaga gaz yetkazib berish oktabr oyiga kelib o‘tgan yilga nisbatan 80 foizga kamaygan.
Mavzuga doir: Yevropada gaz narxi 15 oylik eng past darajaga tushdi
Izoh (0)