Европада 2022 йил ноябри ва 2023 йил январь ойи бошида иссиқ об-ҳаво газ нархининг ўтган йилги кўрсаткичларга – TTF индекси учун яқин фьючерсларда 1 МВт/соат учун 69 еврога (1 000 куб метр учун тахминан 780 доллар) тушишига сабаб бўлди. Бу ҳақда «РБК» хабар бермоқда.
Қайд этилишича, бу газ нархи ўтган йилдаги энг паст ва 2022 йил август ойидаги энг юқори нархдан беш баравар паст бўлган.
EBW Analytics экспертлари таъкидлашича, 2023 йил январь ойининг боши камида охирги 15 йилдаги энг иссиқ давр бўлди.
Улар, шунингдек, ҳавонинг илиқ бўлишидан ташқари, газ нархининг пасайишига яна бир сабаб шамол энергияси ишлаб чиқаришнинг кўпайиши эканини таъкидлашади.
Натижада Европа газни тежашга ва захирадаги газни деярли тарихдаги рекорд даражада ушлаб туришга муваффақ бўлди.
Россиядан етказиб беришнинг қисқариши Европадаги газ нархлари динамикасига таъсир қилмади, чунки Россия қувур линияси газининг Европа истеъмолидаги улуши ҳозирда тахминан 4 фоизни ташкил қилади.
Weather.com об-ҳаво маълумотларига кўра, 2023 йил 1 январь куни Берлинда кунлик ҳаво ҳарорати плюс 15 даража, Парижда плюс 14 даражани ташкил қилган.
«2022 йилнинг кузида Европада ҳаво ҳам илиқ бўлди, октябрь ойида 2000 йилдан бери ҳарорат 18 даражадан пастга тушган кунларнинг минимал сони кузатилди», — деб ёзади Bloomberg Maxar Technologies ва Marex прогноз марказлари маълумотларига асосланиб.
Бу бутун Европа бўйлаб тўлдириш даражаси 95 фоизга, Германияда 99 фоизга етадиган омборхоналардаги газ захираларини сақлаб қолиш имконини берди.
ХВЖ маълумотларига кўра, Россиядан Европага газ етказиб бериш октябрь ойига келиб ўтган йилга нисбатан 80 фоизга камайган.
Мавзуга доир: Европада газ нархи 15 ойлик энг паст даражага тушди
Изоҳ (0)