Yoshko Gvardiol “Real” e’tiborini tortmoqda.
20 yoshli futbolchiga “Chelsi” va “Manchester Siti” ham qiziqish bildirmoqda. Uning “Leypsig” bilan shartnomasidagi 110 million yevrolik tovon puli 2024-yil yozidan kuchga kiradi.
Jurnalist Alfredo Pedulyaning xabar berishicha, “Chelsi” Gvardiol uchun 80 million yevro taklif qilgan. Shundan so‘ng “Real” 90 million to‘lashga tayyorligini bildirgan.
Ikkala taklif ham “Leypsig”ni qoniqtirmagan. So‘nggi 15 kunda “Madrid” faollashgan va Yoshko transferi bo‘yicha ikki marta uchrashuv o‘tkazgan.
Madridliklar Gvardiol uchun 120 million yevro taklif qilgan — 60 milliondan ikkiga bo‘lib to‘lash va qo‘shimchasiga bonuslar. “Manchester Siti” ham himoyachi uchun 100 milliondan ortiq to‘lashga tayyorligini ta’kidlagan.
“Chelsi” xorvatiyalik himoyachiga yiliga 9 million yevro maosh berishga rozi bo‘lgan. “Real” esa 6 million. Gvardiolning o‘ziga “Real” varianti qiziqroq bo‘lgani uchun maoshi kam bo‘lishiga qaramasdan ispan klubiga o‘tmoqchi.
“Leypsig” esa o‘ziga xos kimoshdi savdosi davom etishiga qarshi emas.
Gvardiol Xorvatiya terma jamoasi bilan birga JCH—2022 bronza medalini qo‘lga kiritdi.
Izoh (0)