Йошко Гвардиол «Реал» эътиборини тортмоқда.
20 ёшли футболчига «Челси» ва «Манчестер Сити» ҳам қизиқиш билдирмоқда. Унинг «Лейпциг» билан шартномасидаги 110 миллион евролик товон пули 2024 йил ёзидан кучга киради.
Журналист Альфредо Педулянинг хабар беришича, «Челси» Гвардиол учун 80 миллион евро таклиф қилган. Шундан сўнг «Реал» 90 миллион тўлашга тайёрлигини билдирган.
Иккала таклиф ҳам «Лейпциг»ни қониқтирмаган. Сўнгги 15 кунда «Мадрид» фаоллашган ва Йошко трансфери бўйича икки марта учрашув ўтказган.
Мадридликлар Гвардиол учун 120 миллион евро таклиф қилган — 60 миллиондан иккига бўлиб тўлаш ва қўшимчасига бонуслар. «Манчестер Сити» ҳам ҳимоячи учун 100 миллиондан ортиқ тўлашга тайёрлигини таъкидлаган.
«Челси» хорватиялик ҳимоячига йилига 9 миллион евро маош беришга рози бўлган. «Реал» эса 6 миллион. Гвардиолнинг ўзига «Реал» варианти қизиқроқ бўлгани учун маоши кам бўлишига қарамасдан испан клубига ўтмоқчи.
«Лейпциг» эса ўзига хос кимошди савдоси давом этишига қарши эмас.
Гвардиол Хорватия терма жамоаси билан бирга ЖЧ—2022 бронза медалини қўлга киритди.
Изоҳ (0)