Meksika politsiyasi harbiylar bilan birgalikda “Sinaloa” narkokarteli yetakchisi deb gumon qilinayotgan Ovidio Gusman-Lopesni, narkobaron El Chaponing o‘g‘lini hibsga oldi. Shundan keyin narkokartel a’zolari Kuliakan shahrida tartibsizliklarni keltirib chiqardi. Bu haqda mahalliy Radio Formula nashri xabar bermoqda.
Sinaloa shtati gubernatori Ruben Roshning so‘zlariga ko‘ra, erta tongdan tushgacha davom etgan tartibsizliklar chog‘ida 12 marta otishma yuz bergan, oqibatda huquq-tartibot organlarining yetti xodimi halok bo‘lgan, yana 21 kishi yaralangan.
Tinch aholi orasida 11 kishi jabrlangan, ularning uch nafari vafot etgan. Bundan tashqari, shaharda talovchilik bilan bog‘liq 25 ta holat qayd etilgan, 250 ta avtomobilga o‘t qo‘yilgan, keyin ular ko‘chalarni to‘sib qo‘yishda foydalanilgan. Shuningdek, narkokartel a’zolari Ovidio Gusman-Lopezning olib ketilishiga to‘sqinlik qilish maqsadida samolyotlarga o‘z uzgan.
Quema de vehículos, balaceras y bloqueos, así se vive la situación en Culiacán, #Sinaloa, tras la detención de #OvidioGuzmán, uno de los principales productores y distribuidores de fentanilo y uno de los líderes del Cártel de Sinaloa. El gobierno pide a ciudadanos no salir. pic.twitter.com/Ifmp4uiTfm
— SieteDíasOaxaca (@sietediasoaxaca) January 5, 2023
Keyinroq vaziyatni barqarorlashtirishga muvaffaq bo‘lishgan, Meksika hukumati narkokartel boshlig‘i deb taxmin qilinayotgan shaxs Mexikoga yetkazilganini tasdiqladi, u yerdan esa AQSHga ekstraditsiya qilinishi kutilmoqda.
2019-yilda Ovidio Gusman-Lopes xuddi shunday operatsiya chog‘ida hibsga olingan edi, ammo o‘shanda narkokartel a’zolari shaharda katta ko‘lamli tartibsizliklar uyushtirib, bir necha nafar harbiyni garovga olgandi va El Chaponing o‘g‘lini hibsga olgan politsiyachilar guruhini qurshab olgandi. Natijada mamlakat hukumati xunrezlik davom etishiga yo‘l qo‘ymaslik uchun, Ovidio Gusman-Lopesni qo‘yib yuborishga qaror qilgandi.
https://twitter.com/DonkeyJunkMedia/status/1611119429072338944
2021-yilda AQSH hukumati Ovidio Gusman-Lopes va uning uch aka-ukalarini hibsga olishga yordam beradigan ma’lumot uchun besh million dollar miqdorida mukofot puli e’lon qilgan edi.
Xoakin Gusman (El Chapo) — dunyodagi eng mashhur narkobaron. U Meksikada ikki marta qamoqqa hukm qilingan va ikki marta ham hibsdan qochgan. So‘nggi marta 2015-yilda yerosti tunneli orqali qochgandi. El-Chapo yarim yildan keyin Meksikada qo‘lga olingan. 2017-yilda AQSHga ekstraditsiya qilingan. 2019-yil iyulida AQSH federal sudi narkobaronni umrbod qamoq jazosiga hukm qildi.
Quema de vehículos, balaceras y bloqueos, así se vive la situación en Culiacán, #Sinaloa, tras la detención de #OvidioGuzmán, uno de los principales productores y distribuidores de fentanilo y uno de los líderes del Cártel de Sinaloa. El gobierno pide a ciudadanos no salir. pic.twitter.com/Ifmp4uiTfm
— SieteDíasOaxaca (@sietediasoaxaca) January 5, 2023
Izoh (0)