Jizzax viloyati Zafarobod tumanida 30-son manzil-koloniyasidan 4-yanvar kuni ikki nafar mahbus qochib ketgandi. IIV Jazoni ijro etish departamenti ular qo‘lga olinganini e’lon qildi.
Ma’lum qilinishicha, amalga oshirilgan tezkor qidiruv tadbirlari jarayonida 5-yanvardan 6-yanvarga o‘tar kechasi mahkumlar N.M. va K.A. Andijon viloyatining chegara hududlaridan birida jamoatchilik yordamida qo‘lga olinib, vaqtincha saqlash hibsxonasiga joylashtirilgan.
Holat yuzasidan tekshiruv tayinlangan bo‘lib, jazoni ijro etish muassasasini ruxsatsiz tark etgan mahkumlarning harakatlariga huquqiy baho berilishi ta’minlanadi.
Ma’lumot uchun, Jinoyat-ijroiya kodeksining 114-moddasiga ko‘ra jazoni ijro etish muassasasi hisoblangan manzil-koloniyalarda jazo muddatini o‘tayotgan mahkumlar koloniya hududi doirasida soqchisiz, erkin yurish, ishlash, ma’muriyatning ruxsati bilan koloniya hududidan tashqarida nazoratsiz harakatlanish huquqidan foydalanadi.
Belgilangan tartibni buzgan mahkumlar qat’iy nazorat ostiga, ya’ni ilgari jazo muddatini o‘tagan umumiy, qattiq yoki maxsus tartibli koloniyalarga qaytariladi.
Izoh (1)
O`zingdan qariroq futbolchi yoningda o`ynasa yoshroq ko`rinasan :) albatta hazil