Жиззах вилояти Зафаробод туманида 30-сон манзил-колониясидан 4 январь куни икки нафар маҳбус қочиб кетганди. ИИВ Жазони ижро этиш департаменти улар қўлга олинганини эълон қилди.
Маълум қилинишича, амалга оширилган тезкор қидирув тадбирлари жараёнида 5 январдан 6 январга ўтар кечаси маҳкумлар Н.М. ва К.А. Андижон вилоятининг чегара ҳудудларидан бирида жамоатчилик ёрдамида қўлга олиниб, вақтинча сақлаш ҳибсхонасига жойлаштирилган.
Ҳолат юзасидан текширув тайинланган бўлиб, жазони ижро этиш муассасасини рухсатсиз тарк этган маҳкумларнинг ҳаракатларига ҳуқуқий баҳо берилиши таъминланади.
Маълумот учун, Жиноят-ижроия кодексининг 114-моддасига кўра жазони ижро этиш муассасаси ҳисобланган манзил-колонияларда жазо муддатини ўтаётган маҳкумлар колония ҳудуди доирасида соқчисиз, эркин юриш, ишлаш, маъмуриятнинг рухсати билан колония ҳудудидан ташқарида назоратсиз ҳаракатланиш ҳуқуқидан фойдаланади.
Белгиланган тартибни бузган маҳкумлар қатъий назорат остига, яъни илгари жазо муддатини ўтаган умумий, қаттиқ ёки махсус тартибли колонияларга қайтарилади.
Изоҳ (1)
O`zingdan qariroq futbolchi yoningda o`ynasa yoshroq ko`rinasan :) albatta hazil