Haftada bir marta yoki tez-tez bosh og‘rig‘i kuzatilsa, kechiktirmasdan shifokor bilan maslahatlashish zarur. Yoki bosh og‘rig‘ining oldini olish va kamaytirish uchun ushbu maslahatlarga amal qilish tavsiya etiladi, deb yozadi “Noviy ochag”.
Nima uchun tabletkalar yechim bo‘lolmaydi?
Aspirin, analgin, ibuprofen — bosh og‘rig‘idan xalos bo‘lishga yordam beradigan dorilarning ichishni keragi yo‘q. Ular gohida nojo‘ya ta’sir ko‘rsatishi mumkin. Dorilarning haddan tashqari ko‘p iste’moli boshqa muolajalarning ta’sirini susaytiradi va bemorga hech narsa yordam bermaydi.
Bu ko‘pincha surunkali bosh og‘rig‘i yoki migrenga chalingan odamlar haftasiga bir necha marta retseptsiz dori-darmonlarni qabul qilganda sodir bo‘ladi. Umumiy bosh og‘rig‘ini sog‘lom va tabiiy yondashuv bilan yengish mumkin. Hatto yetarli miqdorda suv ichish yoki uxlash tartibini o‘zgartirish ham bosh og‘rig‘ining oldini olishga yordam beradi.
Uyqu rejimni qayta ko‘rib chiqish
Shifokor Nyuman o‘z bemorlariga “mnemonik kodlar”ga rioya qilishni taklif qiladi — bu uyqu, ovqatlanish, jismoniy mashqlar, ichimlik va stressni kamaytirish. Juda ko‘p yoki juda kam uyqu bosh og‘rig‘iga sabab bo‘ladi. Muntazam takrorlanadigan kundalik tartib ham o‘z-o‘zidan paydo bo‘ladigan bosh og‘rig‘ini yengishga yordam beradi. Bosimli bosh og‘rig‘i migrenli bosh og‘rig‘i kabi kuchli emas va ko‘ngil aynishi, qayt qilish, yorug‘lik, tovush yoki hidga sezuvchanlikka olib kelmaydi. Qanday bo‘lmasin, dam olish kunlari ko‘p uxlash odatidan voz kechish va qat’iy rejimga rioya qilish bosh og‘rig‘ini bartaraf etishga yordam beradi.
Muntazam ovqatlanish
Bu ko‘proq nonushta qilmay, ishga yoki o‘qishga boradiganlar uchun tegishli. Ertalabdan kechgacha vaqtida ovqatlanish bosh og‘rig‘idan xalos bo‘lishga yordam beradi. “Agar kuniga uch mahal ovqatlana olmasangiz, hech bo‘lmaganda kun davomida bodom yoki mayiz kabi foydali mahsulotlarni iste’mol qiling”, — deb maslahat beradi shifokor Nyuman.
Sport bilan shug‘ullanish
Albatta, bosh og‘rig‘ida sport bilan shug‘ullanish yaxshi taklif emas. Biroq mashq qilish ushbu muammodan xalos bo‘lishga yordam beradi, chunki u endorfinlar, tabiiy og‘riq qoldiruvchi moddalarni chiqaradi. AQSH Sog‘liqni saqlash va inson xizmatlari departamenti o‘rtacha intensivlikdagi mashqlar bilan haftada kamida 150 daqiqa shug‘ullanishni tavsiya qiladi. Bu yurish, suzish, velosipedda sayr qilish, yugurish yoki sevimli sport zaldagi mashg‘ulot bo‘lishi mumkin.
Suvni yetarli miqdorda ichish
Nyumanning ta’kidlashicha, suvsizlanish ham bosh og‘rig‘ining qo‘zg‘atuvchisidir, shuning uchun yetarli miqdorda suv ichish tavsiya etiladi.
Tavsiya qilinganidek, kuniga kamida sakkiz stakan suv ichish kerak, lekin issiq havo, terlash, dori-darmonlar va namlikning o‘zgarishini hisobga olgan holda miqdor o‘zgarib turadi. Shuning uchun kunni ikki stakan suv boshlagandan so‘ng hamisha yonda suv olib yurish uni muntazam ichishga turtki bo‘ladi.
Stressni nazorat ostida saqlash
Nyu-Yorkdagi Great Neck shahridagi Northwell Health bosh og‘rig‘i markazi direktori Noa Rosen, MD, progressiv mushaklar bilan ishlashni tavsiya qiladi. Bosh og‘rig‘ining kelib chiqishi taranglashgan mushaklar bo‘shashganidan keyin yo‘qoladi.
Qahva iching
Muntazam ravishda qahva ichadiganlar ushbu odatdan voz kechganda, bosh og‘rig‘i kuzatilishi mumkin. Chunki kofeinning sezilarli darajada kamayishi bosh og‘rig‘ini qo‘zg‘atadi. Kofeinli ichimliklarni haddan tashqari ko‘p ichish ham ba’zi odamlarning bosh og‘rig‘iga sabab bo‘lishi mumkin, shuning uchun kuniga 150 milligramm kofein (taxminan ikki chashka qahva) dan oshirmaslik tavsiya etiladi.
Massaj qilish
Bosh og‘rig‘ida ba’zi odamlar mushaklar og‘rig‘ini ham boshdan kechiradi. Bunday vaqtda mushaklarni massaj qilish og‘riqdan xalos bo‘lishga yordam beradi. Ayniqsa yelka va quloq atrofi sohasini yengil harakat bilan uqalash qon aylanishini yaxshilaydi.
Qorong‘i xonada dam olish
Migrenning asosiy belgilaridan biri sezuvchanlikdir. Yorug‘lik va shovqin dam olishga xalaqit berishi tabiiy. Qolaversa, bu bosh og‘rig‘ini yuz baravar tezroq yengishga yordam beradi. Shuning uchun qorong‘i va sokin xonada dam olish, ham og‘riqlardan xalos bo‘lish mumkin.
Gadjetlardan kamroq foydalanish
Amerika Optometrik assotsiatsiyasining ta’kidlashicha, bosh og‘rig‘i kompyuter sindromi yoki charchoqning eng keng tarqalgan belgilaridan biridir. “Kompyuterda, mobil telefon yoki planshetda bo‘ladimi, shunchaki ekranni yuqoriga va pastga o‘tkazish ba’zi odamlarning bosh og‘rig‘iga sabab bo‘lishi mumkin”, — deydi shifokor Nyuman. Noqulaylikning oldini olish uchun har 20 daqiqada 20 metr uzoqlikdagi biror narsaga qarash uchun 20 soniyalik tanaffus qilishdir.
Chekishni tashlash
Tamaki chekish ham bosh og‘rig‘iga hissa qo‘shishi mumkin. Ushbu birikma qon tomirlarini toraytiradi va miyaga qon oqimini kamaytiradi, natijada bosh og‘rig‘i paydo bo‘ladi. Tavsiyalarga ko‘ra, tamakini tashlash yoki odamlar chekadigan joylardan qochish bosh og‘rig‘ining oldini oladi.
Qanday alomatlar kuzatilganda darhol shifokorga murojaat qilish kerak?
Har doim bosh og‘rig‘ini uy sharoitida bartaraf etish ham yaxshi emas. Agar haftada bir marta yoki tez-tez bosh og‘rig‘iga duch kelsangiz yoki ular kundalik hayotga xalaqit bersa, shifokorga murojaat qilish lozim. Tibbiy yordam ko‘rsatuvchi xodimlar nafaqat dori-darmonlar buyuradi, balki bosh og‘rig‘iga sabab bo‘lgan asosiy tibbiy holatni ham aniqlashi mumkin.
Izoh (0)