Yangi yil bayramidan so‘ng dam olmagan, ortiqcha ovqatlangan va juda ko‘p moddalarni qabul qilgan organizmga g‘amxo‘rlik qilish vaqti keldi. Bunday vaqtda ratsionni qayta ko‘rib chiqish va mayonez qo‘shib tayyorlangan salatlar o‘rniga foydaliroq mahsulotlarni iste’mol qilish kerak. Parhezshunos va nutritsiolog Yelena Solomatina organizmdan toksinlarni chiqarib tashlashga yordam beradigan mahsulotlarni sanab o‘tdi, deb yozadi “Secretmag.ru”.
Mutaxassisning fikricha, organizmni tozalash uchun yaxshi pishirilgan yoki qaynatilgan guruch iste’mol qilish mumkin. Bu oziq-ovqatdan zaharlanish uchun sorbent bo‘lib xizmat qiladi. Albatta, peshob haydash uchun quritilgan o‘rik yoki olxo‘rini ratsionga kiritish tavsiya etiladi.
Dengiz karami ham toksinlar uchun yaxshi vositadir, chunki unda ko‘p miqdorda pektin mavjud. Zig‘ir moyi xoleretik ta’sirga ega, buning natijasida jigar faoliyati yaxshilanadi.
Bayramlar hali tugamagan va ayrim uylarda davom etishini inobatga olib, shifokorlar ratsionni birdaniga o‘zgartirib yubormaslikni maslahat beradi. Bordi-yu, oshqozonda og‘riq paydo bo‘lsa, shifokorga murojaat qilish kerak.
Qolaversa, har qanday holatda ham ko‘p miqdorda suv ichish va to‘g‘ri ovqatlanish bayramdan keyin kuch va salomatlikni tiklashga yordam beradi. Gazak uchun bayram dasturxonidagi salat va yeguliklardan voz kechish kerak. Organizm uchun bunday vaqtda kartoshka pyuresi yoki sho‘rva iste’mol qilgan yaxshiroq.
Izoh (0)