Янги йил байрамидан сўнг дам олмаган, ортиқча овқатланган ва жуда кўп моддаларни қабул қилган организмга ғамхўрлик қилиш вақти келди. Бундай вақтда рационни қайта кўриб чиқиш ва майонез қўшиб тайёрланган салатлар ўрнига фойдалироқ маҳсулотларни истеъмол қилиш керак. Парҳезшунос ва нутрициолог Елена Соломатина организмдан токсинларни чиқариб ташлашга ёрдам берадиган маҳсулотларни санаб ўтди, деб ёзади «Secretmag.ru».
Мутахассиснинг фикрича, организмни тозалаш учун яхши пиширилган ёки қайнатилган гуруч истеъмол қилиш мумкин. Бу озиқ-овқатдан заҳарланиш учун сорбент бўлиб хизмат қилади. Албатта, пешоб ҳайдаш учун қуритилган ўрик ёки олхўрини рационга киритиш тавсия этилади.
Денгиз карами ҳам токсинлар учун яхши воситадир, чунки унда кўп миқдорда пектин мавжуд. Зиғир мойи холеретик таъсирга эга, бунинг натижасида жигар фаолияти яхшиланади.
Байрамлар ҳали тугамаган ва айрим уйларда давом этишини инобатга олиб, шифокорлар рационни бирданига ўзгартириб юбормасликни маслаҳат беради. Борди-ю, ошқозонда оғриқ пайдо бўлса, шифокорга мурожаат қилиш керак.
Қолаверса, ҳар қандай ҳолатда ҳам кўп миқдорда сув ичиш ва тўғри овқатланиш байрамдан кейин куч ва саломатликни тиклашга ёрдам беради. Газак учун байрам дастурхонидаги салат ва егуликлардан воз кечиш керак. Организм учун бундай вақтда картошка пюреси ёки шўрва истеъмол қилган яхшироқ.
Изоҳ (0)