Saudiya Arabistonining “An-Nassr” klubi direktorlar kengashi rahbari Musli al-Muammar jamoaning yangi futbolchisi Krishtianu Ronaldu haqida fikr bildirdi.
“Muzokaralar davomida Krishtianu u bilan xuddi boshqa futbolchilar bilan qanday muomala qilsak, shunday munosabatda bo‘lishimizni xohlashini aytdi. U bizdan alohida e’tibor talab qilmadi”, — deydi al-Muammar.
Avvalroq portugaliyalik futbolchida “An-Nassr”da bosh murabbiyni almashtirish huquqi bo‘lishi haqidagi xabarlar yangragandi.
Ronaldu erkin agent maqomida arab klubi safiga kelib qo‘shildi. 3-yanvar kuni Ar-Riyodda uning taqdimot marosimi bo‘lib o‘tdi. Futbolchi poytaxt klubi bilan 2025-yilning yoziga qadar shartnoma tuzgani va yiliga 200 million yevro maosh olishi xabar qilingandi.
Mavzuga doir: Krishtianu Ronaldu: Chempionatning juda ko‘p o‘yinlarini ko‘rdim. Men raqobatbardosh ligaga tashrif buyurdim
Izoh (0)