Samarqandda ikkita xonadon yonib ketdi. O‘t o‘chirishga 6 ta yong‘in-qutqaruv ekipaji jalb etilgan

Samarqand shahrida 1-yanvar kuni ikkita xonadon yonib ketdi. Bu haqda viloyat FVB matbuot xizmati xabar berdi.

Ma’lum qilinishicha, “Bek” MFY, Bobur ko‘chasidagi xonadonlarda yong‘in sodir bo‘layotgani to‘g‘risida xabar soat 17:34 da kelib tushgan. Voqea joyiga 6 ta yong‘in-qutqaruv ekipaji soat 17:44 da yetib borgan va soat 18:55 da yong‘in to‘liq bartaraf etilgan.

Yong‘in natijasida ikkita xonadonning taxminan 200 metr kvadrat maydonda shift va tom qismi hamda uy jihozlari yonib, zararlangan. Yong‘indan xonadonlarning taxminan 80 kvadrat metr maydoni saqlab qolingan.

Hodisa oqibatida halok bo‘lgan va jabrlanganlar yo‘q.

Hozirda tergovga qadar tekshirish ishlari olib borilmoqda.

Mavzuga doir: Namangandagi uyda er-xotin yonib ketdi