Eron armiyasi 31-dekabr kuni Ummon ko‘rfazida yangi Ababil-5 zarba beruvchi dronlarini sinovdan o‘tkazdi. Bu haqda Eron davlat televideniyesiga tayanib, “Amerika Ovozi” xabar berdi.
Yillik mashg‘ulotlar davomida HESA tomonidan ishlab chiqilgan Ababil-5 droni 400 kilometr masofani muvaffaqiyatli bosib o‘tdi va nishonga tegib, Hormuz bo‘g‘ozi yaqinidagi qirg‘oq zonasiga bomba tashladi. Hormuz bo‘g‘ozi muhim ahamiyatga ega, chunki dunyodagi barcha dengiz neft savdosining taxminan 20 foizi u orqali o‘tadi.
Eron harbiylari dronlar yordamida mashg‘ulot maydoniga yaqinlashmoqchi bo‘lgan razvedkachi samolyotni ham tutib olgan. Jurnalistlar razvedkachining aniq kimga tegishli ekanligini ko‘rsatmadi, ammo Eron Fors ko‘rfazida AQSH havo floti bilan bir necha bor to‘qnash kelgan.
Ababil-5 droni 2022-yil aprel oyida namoyish qilingan, uni orqasida joylashgan 115 ot kuchiga ega Rotax 914 dvigateli uch qanotli vintni boshqaradi.
Mavzuga doir: Turkiya o‘zining Siper uzoq masofaga mo‘ljallangan raketasini sinovdan o‘tkazdi (video)
Izoh (0)