Эрон армияси 31 декабрь куни Уммон кўрфазида янги Абабил-5 зарба берувчи дронларини синовдан ўтказди. Бу ҳақда Эрон давлат телевидениесига таяниб, «Америка Овози» хабар берди.
Йиллик машғулотлар давомида ҲЕСА томонидан ишлаб чиқилган Абабил-5 дрони 400 километр масофани муваффақиятли босиб ўтди ва нишонга тегиб, Ҳормуз бўғози яқинидаги қирғоқ зонасига бомба ташлади. Ҳормуз бўғози муҳим аҳамиятга эга, чунки дунёдаги барча денгиз нефть савдосининг тахминан 20 фоизи у орқали ўтади.
Эрон ҳарбийлари дронлар ёрдамида машғулот майдонига яқинлашмоқчи бўлган разведкачи самолётни ҳам тутиб олган. Журналистлар разведкачининг аниқ кимга тегишли эканлигини кўрсатмади, аммо Эрон Форс кўрфазида АҚШ ҳаво флоти билан бир неча бор тўқнаш келган.
Абабил-5 дрони 2022 йил апрель ойида намойиш қилинган, уни орқасида жойлашган 115 от кучига эга Rotax 914 двигатели уч қанотли винтни бошқаради.
Мавзуга доир: Туркия ўзининг Siper узоқ масофага мўлжалланган ракетасини синовдан ўтказди (видео)
Изоҳ (0)