Шимолий Корея Хванхе-Пукдо провинциясидаги Чунгва округидан Япон денгизи томон учта қисқа масофали баллистик ракета учирди. Бу ҳақда Yonhap хабар берди.
Япония мудофаа вазирлигига кўра, снарядлар максимал баландлиги 100 километр бўлган 350 километр масофани босиб ўтган. Уларнинг барчаси Япониянинг иқтисодий зонасига кирган. Ракета синовларидан сўнг самолётлар ёки кемаларга зарар етказилгани ҳақида хабар берилмаган.
Жанубий Корея 31 декабрь куни қаттиқ ёқилғида ишлайдиган ракетани муваффақиятли синовдан ўтказди.
18 декабрь куни Шимолий Корея разведкачи ҳарбий сунъий йўлдош тизимларини иккита ўрта масофага мўлжалланган баллистик ракеталарда синовдан ўтказди.
23 декабрь куни Пхеньян қаттиқ ёқилғи двигателига эга иккита баллистик ракета учирди.
26 декабрь куни эса Шимолий Кореянинг бешта дрони демаркация чизиғини кесиб ўтиб, Жанубий Корея ҳудудига кирди.
31 декабрдаги (бугунги) ракета учирилишидан ташқари, КХДР 2022 йилда 38 марта баллистик ракеталарни синовдан ўтказди, жами 70 га яқин ракета учирди. Пхеньян, шунингдек, уч марта қанотли ракеталарни синовдан ўтказди, артиллерия отишмаларини, ҳаво кучлари машқларини олиб борди.
Изоҳ (0)