Илон Маск 200 миллиард доллардан кўпроқ маблағ йўқотган дунёдаги биринчи одамга айланди. Бу ҳақда Bloomberg хабар берди.
Миллиардернинг бойлиги Tesla компанияси акциялари тушиб кетгани сабабли камайган. Маскнинг бойлиги 2021 йил 21 ноябрда энг юқори кўрсаткич 340 миллиард долларга етганди. Декабрь ойининг сўнгги ҳафталарида Маскнинг соф бойлиги Tesla акцияларининг пасайиши туфайли 137 миллиард долларга тушган.
Сўнгги ҳафтада Tesla нархи 85 миллиард долларга пасайган, компаниянинг бозор капиталлашуви эса 390 миллиард долларга тушган. 2022 йилда Tesla нархи уч баробарга пастлаб, январда 1,2 триллион долларга баҳоланган.
2021 йилда Илон Маск дунёда бойлиги 200 миллиард долларга етган иккинчи одамга айланганди. Бундай кўрсаткичга биринчи бўлиб миллиардер ва Amazon асосчиси Жефф Безос эришган.
Изоҳ (0)