Fransiya kinoijodkorlari tomonidan suratga olingan “Taksi” komediyasidagi ko‘p qahramonlar muxlislarning qalbidan joy egallab, mashhurlikka erishdi. The Voice nashri ushbu kinokartinada Petra rolini ijro etgan aktrisa Emma Viklundning hayoti haqida ma’lumot berdi.
Kinokartinadagi uchta bosh qahramon — Daniel, Emilien va Petra tomoshabinlarning e’tiboriga tushdi. Bosh qahramon Petra rolini gavdalantirgan shvetsiyalik aktrisa Emma Viklund “Taksi” filmning birinchi qismini suratga olish paytida 29 yoshda bo‘lgan.
Aktrisa 16 yoshida taniqli modelga aylangan. U o‘zgacha go‘zalligi tufayli “Gavayi go‘zali” tanlovida g‘oliblikni osongina qo‘lga kiritgan, bunday g‘alaba esa Shvetsiya tarixida birinchisi edi.
Viklund “Taksi” filmida suratga tushgandan keyin o‘zini aktrisa sifatida kashf etdi. U rol o‘ynagan to‘qqizta loyihadan to‘rttasi ushbu komediya bilan bog‘liq. Emma “Taksi” kinokartinasining yakuniy qismdan so‘ng boshqa loyihalarda suratga tushmadi va o‘zini model sifatida sinab ko‘rishda davom etdi.
Hozirda aktrisa 53 yoshda va Fransiyada yashaydi. U to‘g‘ri ovqatlanish, sport va boshqa sog‘lom odatlar tufayli deyarli 30 yil oldingi kabi ko‘rinadi.
Izoh (0)