Франция киноижодкорлари томонидан суратга олинган «Такси» комедиясидаги кўп қаҳрамонлар мухлисларнинг қалбидан жой эгаллаб, машҳурликка эришди. The Voice нашри ушбу кинокартинада Петра ролини ижро этган актриса Эмма Виклунднинг ҳаёти ҳақида маълумот берди.
Кинокартинадаги учта бош қаҳрамон — Даниэль, Эмилиэн ва Петра томошабинларнинг эътиборига тушди. Бош қаҳрамон Петра ролини гавдалантирган швециялик актриса Эмма Виклунд «Такси» фильмнинг биринчи қисмини суратга олиш пайтида 29 ёшда бўлган.
Актриса 16 ёшида таниқли моделга айланган. У ўзгача гўзаллиги туфайли «Гавайи гўзали» танловида ғолибликни осонгина қўлга киритган, бундай ғалаба эса Швеция тарихида биринчиси эди.
Виклунд «Такси» фильмида суратга тушгандан кейин ўзини актриса сифатида кашф этди. У рол ўйнаган тўққизта лойиҳадан тўрттаси ушбу комедия билан боғлиқ. Эмма «Такси» кинокартинасининг якуний қисмдан сўнг бошқа лойиҳаларда суратга тушмади ва ўзини модель сифатида синаб кўришда давом этди.
Ҳозирда актриса 53 ёшда ва Францияда яшайди. У тўғри овқатланиш, спорт ва бошқа соғлом одатлар туфайли деярли 30 йил олдинги каби кўринади.
Изоҳ (0)