Checheniston prezidenti Ramzan Qodirov Rossiya prezidentligiga nomzodini qo‘yish huquqiga ega bo‘lsa-da, bunday qilmasligini aytdi. Bu haqda “RIA Novosti” xabar berdi.
“Rossiya fuqarosiman, prezidentlikka nomzod bo‘lishga huquqim bor. Boshqalar nomzodini qo‘yishi mumkin, chechenlarga esa yo‘qmi? Mumkin. Lekin men hech qachon bunday qilmayman”, — dedi Checheniston rahbari.
U Rossiyaning amaldagi prezidentiga uzoq vaqt hukmronlik qilishini tilab, unga yordam berishga va’da berdi.
Ma’lumot o‘rnida, Ukraina xavfsizlik xizmati Checheniston rahbari Ramzan Qodirovni qidiruvga bergan. U Ukraina jinoyat kodeksiga ko‘ra, 10 yildan 15 yilgacha ozodlikdan mahrum qilishni nazarda tutuvchi ikki modda, ya’ni tajovuzkor urush yoki agressiv harbiy harakatlar bo‘yicha ayblanmoqda.
“RIA Novosti”ga ko‘ra, Checheniston rahbari Ukraina xavfsizlik xizmati tomonidan qidiruvga berilgan birinchi rossiyalik siyosatchi emas. Xususan Rossiya TIV rasmiy vakili Mariya Zaxarova Ukraina hududiy yaxlitligiga tajovuz qilishda ayblangan. Rossiya Xavfsizlik kengashi raisi o‘rinbosari Dmitriy Medvedev va boshqa qator rasmiylar ham qidiruvga berilgan.
Izoh (0)