“10 mingdan ortiq maktabdan 842 tasining birorta bitiruvchisi oliy o‘quv yurtiga kira olmagan. Buni qanday baholash mumkin?” — prezident

Ayni vaqtda prezident Shavkat Mirziyoyev Xalqaro kongress markazida ta‘lim sohasidagi islohotlar haqida murojaat qilmoqda.

Prezident ayrim fanlarni qisqartirib, zamonaviy fanlarni ko‘paytirish haqida gapirdi. 

“Negadir biz qisqartirishdan qo‘rqamiz. Agar biror fan zamonaviylikdan ortda qolsa, uni saqlab turishda nima ma’no bor? 10 mingdan ortiq maktabdan 842 tasining birorta bitiruvchisi oliy o‘quv yurtiga kira olmagan. Buni qanday baholash mumkin?”, — dedi davlat rahbari

Shavkat Mirziyoyev “Bolalar yomon bo‘lib ketdi” degan fikrdan voz kechish kerakligini aytdi. 

“O‘zimizga savol qo‘yaylik – ularni yaxshi qilish uchun nimalar qildik?! Baribir ular o‘zimizning farzandlarimiz. Sizlar bilan bir tanu bir jon bo‘lib, jonajon O‘zbekistonimizning kelajagi haqida o‘ylashimiz shart”, — dedi Shavkat Mirziyoyev