O‘zbekiston MDH tashkil topgan paytdan boshlab teng huquqlilik va o‘zaro manfaat asosida savdo-iqtisodiy aloqalarni kuchaytirish, transport-kommunikatsiya tarmoqlarini rivojlantirish va xo‘jalik aloqalarini rivojlantirish, ushbu jarayonlarga siyosiy tus bermaslik, ularni sun’iy tezlashtirish va bir-biriga bosim o‘tkazishdan voz kechish tarafdori bo‘lib keladi.
O‘zbekiston 2017-yildan boshlab hamdo‘stlik faoliyatidagi ishtirokini sezilarli darajada faollashtirdi. So‘nggi yillarda ilk marotaba O‘zbekiston bosh vaziri MDH Hukumat rahbarlari kengashi majlislarida ishtirokini boshladi.
O‘zbekiston prezidentining 2017–2021-yillarda MDH Davlat rahbarlari kengashi yig‘ilishlaridagi ishtiroki yakunlari bo‘yicha imzolangan hujjatlar va O‘zbekiston tomonidan ilgari surilgan tashabbuslarni o‘z vaqtida va to‘laqonli amalga oshirish bo‘yicha “yo‘l xaritalari” qabul qilindi (100 dan ziyod tadbirlar).
- Soliq (moliyaviy) tergov organlari rahbarlarining muvofiqlashtiruvchi kengashi;
- Agrosanoat kompleksi masalalari bo‘yicha hukumatlararo kengash;
- O‘simliklar karantini bo‘yicha muvofiqlashtiruvchi kengash;
- Ko‘rgazma-yarmarka va kongress faoliyati bo‘yicha davlatlararo kengash;
- Madaniy hamkorlik bo‘yicha kengash;
- Jismoniy tarbiya va sport bo‘yicha kengash;
- Tashqi ishlar vazirlari huquqiy xizmatlari rahbarlarining maslahat qo‘mitasi;
- Tashqi ishlar vazirlari konsullik xizmatlari rahbarlarining maslahat qo‘mitasi;
- Gumanitar hamkorlik bo‘yicha kengash;
- Adliya vazirlari kengashi va boshqalar.
2018-yil noyabrida O‘zbekiston MDH ishtirokchi davlatlarining Parlamentlararo Assambleyasi to‘g‘risidagi konvensiyaga qo‘shildi. 2019-yilda quyidagilar to‘g‘risida qarorlar qabul qilindi:
- MDH Ijroiya qo‘mitasida O‘zbekiston Respublikasi uchun biriktirilgan kvotali lavozimlarni to‘ldirish;
- Respublika vakillarini Chegara qo‘shinlari qo‘mondonlari kengashining muvofiqlashtiruvchi xizmati (CHQQK MX) va MDHning Aksilterror markazi (ATM)ga yuborish;
- Ijroiya qo‘mita, ATM, CHQQK MX, Mudofaa vazirlari kengashi, Davlatlararo Statistika qo‘mitasi, Bosh prokurorlar kengashi muvofiqlashtiruvchi kotibiyati, MDH ishtirokchi davlatlari hududida uyushgan jinoyatchilik va boshqa xavfli turdagi jinoyatchilikka qarshi kurashishni muvofiqlashtirish byurosi faoliyatini moliyalashtirish;
- MDH Xizmatlarning erkin savdo hududi to‘g‘risidagi bitimni ishlab chiqish bo‘yicha yuqori darajadagi ishchi guruh faoliyatiga qo‘shilish.
2020-yilda MDHga raislik O‘zbekiston tomonidan amalga oshirildi. Tashkilotga raislik davrida 50 dan ziyod tadbir o‘tkazildi. MDH organlari tomonidan 70 dan ziyod qaror va hujjatlar qabul qilindi. Yil davomida O‘zbekiston BMT, YXHT va boshqa xalqaro tashkilotlar doirasidagi turli tadbirlarda MDH nomidan qatnashdi.
2022-yilda O‘zbekiston tarmoq hamkorligi bo‘yicha uchta organga qo‘shildi. Toshkent shahrida tarmoq hamkorligi bo‘yicha oltita organning majlislari o‘tkazildi (3-iyunda Moliya razvedkasi bo‘linmalari rahbarlari kengashi majlisi, 15-iyulda Sanoat siyosati bo‘yicha kengash majlisi, 22–23-sentabr kunlari Jismoniy tarbiya va sport bo‘yicha kengash majlisi, 19–20-oktabrda O‘simliklar karantini bo‘yicha muvofiqlashtiruvchi kengash majlisi, 25-oktabrda Samarqand shahrida Aloqa ma’muriyatlari rahbarlari — Aloqa sohasida mintaqaviy hamdo‘stlik (AMH) ishtirokchilari kengashi va Axborotlashtirish bo‘yicha muvofiqlashtiruvchi kengash majlisi, 27–28-oktabr kunlari Samarqand shahrida MDH Parlamentlararo Assambleyasining yalpi yig‘ilishi).
2022-yilning 27–28-oktabr kunlari Samarqand shahrida parlamentlar liniyasi bo‘yicha o‘zaro hamkorlikni mustahkamlashda muhim bosqichga aylangan MDH Parlamentlararo Assambleyasining birinchi sayyor sessiyasi bo‘lib o‘tdi. 12–13-dekabr kunlari Toshkent shahrida MDHning ijodiy va ilmiy ziyolilari forumi muvaffaqiyatli bo‘lib o‘tdi. Madaniyat va san’at, ilm-fan va ta’lim vakillarining keng doirasi ishtirok etgan mazkur tadbir Hamdo‘stlik makonida gumanitar hamkorlik sohasida yilning eng yorqin voqeligiga aylandi.
Samarqand shahri nomzodi 2024-yilda hamdo‘stlikning madaniy poytaxti maqomini olish uchun ilgari surildi.
Izoh (0)