Ўзбекистон МДҲ ташкил топган пайтдан бошлаб тенг ҳуқуқлилик ва ўзаро манфаат асосида савдо-иқтисодий алоқаларни кучайтириш, транспорт-коммуникация тармоқларини ривожлантириш ва хўжалик алоқаларини ривожлантириш, ушбу жараёнларга сиёсий тус бермаслик, уларни сунъий тезлаштириш ва бир-бирига босим ўтказишдан воз кечиш тарафдори бўлиб келади.
Ўзбекистон 2017 йилдан бошлаб ҳамдўстлик фаолиятидаги иштирокини сезиларли даражада фаоллаштирди. Сўнгги йилларда илк маротаба Ўзбекистон бош вазири МДҲ Ҳукумат раҳбарлари кенгаши мажлисларида иштирокини бошлади.
Ўзбекистон президентининг 2017–2021 йилларда МДҲ Давлат раҳбарлари кенгаши йиғилишларидаги иштироки якунлари бўйича имзоланган ҳужжатлар ва Ўзбекистон томонидан илгари сурилган ташаббусларни ўз вақтида ва тўлақонли амалга ошириш бўйича «йўл хариталари» қабул қилинди (100 дан зиёд тадбирлар).
- Солиқ (молиявий) тергов органлари раҳбарларининг мувофиқлаштирувчи кенгаши;
- Агросаноат комплекси масалалари бўйича ҳукуматлараро кенгаш;
- Ўсимликлар карантини бўйича мувофиқлаштирувчи кенгаш;
- Кўргазма-ярмарка ва конгресс фаолияти бўйича давлатлараро кенгаш;
- Маданий ҳамкорлик бўйича кенгаш;
- Жисмоний тарбия ва спорт бўйича кенгаш;
- Ташқи ишлар вазирлари ҳуқуқий хизматлари раҳбарларининг маслаҳат қўмитаси;
- Ташқи ишлар вазирлари консуллик хизматлари раҳбарларининг маслаҳат қўмитаси;
- Гуманитар ҳамкорлик бўйича кенгаш;
- Адлия вазирлари кенгаши ва бошқалар.
2018 йил ноябрида Ўзбекистон МДҲ иштирокчи давлатларининг Парламентлараро Ассамблеяси тўғрисидаги конвенцияга қўшилди. 2019 йилда қуйидагилар тўғрисида қарорлар қабул қилинди:
- МДҲ Ижроия қўмитасида Ўзбекистон Республикаси учун бириктирилган квотали лавозимларни тўлдириш;
- Республика вакилларини Чегара қўшинлари қўмондонлари кенгашининг мувофиқлаштирувчи хизмати (ЧҚҚК МХ) ва МДҲнинг Аксилтеррор маркази (АТМ)га юбориш;
- Ижроия қўмита, АТМ, ЧҚҚК МХ, Мудофаа вазирлари кенгаши, Давлатлараро Статистика қўмитаси, Бош прокурорлар кенгаши мувофиқлаштирувчи котибияти, МДҲ иштирокчи давлатлари ҳудудида уюшган жиноятчилик ва бошқа хавфли турдаги жиноятчиликка қарши курашишни мувофиқлаштириш бюроси фаолиятини молиялаштириш;
- МДҲ Хизматларнинг эркин савдо ҳудуди тўғрисидаги битимни ишлаб чиқиш бўйича юқори даражадаги ишчи гуруҳ фаолиятига қўшилиш.
2020 йилда МДҲга раислик Ўзбекистон томонидан амалга оширилди. Ташкилотга раислик даврида 50 дан зиёд тадбир ўтказилди. МДҲ органлари томонидан 70 дан зиёд қарор ва ҳужжатлар қабул қилинди. Йил давомида Ўзбекистон БМТ, ЕХҲТ ва бошқа халқаро ташкилотлар доирасидаги турли тадбирларда МДҲ номидан қатнашди.
2022 йилда Ўзбекистон тармоқ ҳамкорлиги бўйича учта органга қўшилди. Тошкент шаҳрида тармоқ ҳамкорлиги бўйича олтита органнинг мажлислари ўтказилди (3 июнда Молия разведкаси бўлинмалари раҳбарлари кенгаши мажлиси, 15 июлда Саноат сиёсати бўйича кенгаш мажлиси, 22–23 сентябрь кунлари Жисмоний тарбия ва спорт бўйича кенгаш мажлиси, 19–20 октябрда Ўсимликлар карантини бўйича мувофиқлаштирувчи кенгаш мажлиси, 25 октябрда Самарқанд шаҳрида Алоқа маъмуриятлари раҳбарлари — Алоқа соҳасида минтақавий ҳамдўстлик (АМҲ) иштирокчилари кенгаши ва Ахборотлаштириш бўйича мувофиқлаштирувчи кенгаш мажлиси, 27–28 октябрь кунлари Самарқанд шаҳрида МДҲ Парламентлараро Ассамблеясининг ялпи йиғилиши).
2022 йилнинг 27–28 октябрь кунлари Самарқанд шаҳрида парламентлар линияси бўйича ўзаро ҳамкорликни мустаҳкамлашда муҳим босқичга айланган МДҲ Парламентлараро Ассамблеясининг биринчи сайёр сессияси бўлиб ўтди. 12–13 декабрь кунлари Тошкент шаҳрида МДҲнинг ижодий ва илмий зиёлилари форуми муваффақиятли бўлиб ўтди. Маданият ва санъат, илм-фан ва таълим вакилларининг кенг доираси иштирок этган мазкур тадбир Ҳамдўстлик маконида гуманитар ҳамкорлик соҳасида йилнинг энг ёрқин воқелигига айланди.
Самарқанд шаҳри номзоди 2024 йилда ҳамдўстликнинг маданий пойтахти мақомини олиш учун илгари сурилди.
Изоҳ (0)