O‘zbekistonda soliqlarni undirish ko‘rsatkichi past bo‘lgan tumanlarda “Mahalla budjeti” tizimi huquqiy eksperiment tariqasida joriy etiladi.
Bu haqda “Mahalla budjeti” tizimini joriy etish orqali mahallalarning moliyaviy imkoniyatini yanada kengaytirish bo‘yicha qo‘shimcha chora-tadbirlar to‘g‘risida”gi prezident qarorida belgilandi.
Qarorga ko‘ra, 2023-yil 1-yanvardan quyidagi ro‘yxatda ko‘rsatilgan va soliqlarni undirish ko‘rsatkichi past bo‘lgan tumanlarda “Mahalla budjeti” tizimi huquqiy eksperiment tariqasida joriy etiladi:
- Qorqalpog‘iston Respublikasi Beruniy tumani;
- Andijon viloyati Andijon tumani;
- Buxoro viloyati Olot tumani;
- Jizzax viloyati Zomin tumani;
- Qashqadaryo viloyati Qarshi tumani;
- Navoiy viloyati Karmana tumani;
- Namangan viloyati Uychi tumani;
- Samarqand viloyati Urgut tumani;
- Surxondaryo viloyati Jarqo‘rg‘on tumani;
- Sirdaryo viloyati Sayxunobod tumani;
- Toshkent viloyati Bo‘ka tumani.
2023-yil 1-martgacha mol-mulk va yer solig‘i bo‘yicha hisoblangan, to‘langan mablag‘lar va soliq qarzdorliklari to‘g‘risidagi ma’lumotlardan mahallalar real vaqt rejimida foydalanish imkoniyati yaratiladi.
“Mahalla budjeti” tizimi asosida shakllantirilgan mablag‘lar “Fuqarolarning o‘zini o‘zi boshqarish organlari to‘g‘risida”gi qonunda nazarda tutilgan fuqarolar yig‘ini kengashi tomonidan boshqariladi.
Izoh (0)