Ўзбекистонда солиқларни ундириш кўрсаткичи паст бўлган туманларда «Маҳалла бюджети» тизими ҳуқуқий эксперимент тариқасида жорий этилади.
Бу ҳақда «Маҳалла бюджети» тизимини жорий этиш орқали маҳаллаларнинг молиявий имкониятини янада кенгайтириш бўйича қўшимча чора-тадбирлар тўғрисида»ги президент қарорида белгиланди.
Қарорга кўра, 2023 йил 1 январдан қуйидаги рўйхатда кўрсатилган ва солиқларни ундириш кўрсаткичи паст бўлган туманларда «Маҳалла бюджети» тизими ҳуқуқий эксперимент тариқасида жорий этилади:
- Қорқалпоғистон Республикаси Беруний тумани;
- Андижон вилояти Андижон тумани;
- Бухоро вилояти Олот тумани;
- Жиззах вилояти Зомин тумани;
- Қашқадарё вилояти Қарши тумани;
- Навоий вилояти Кармана тумани;
- Наманган вилояти Уйчи тумани;
- Самарқанд вилояти Ургут тумани;
- Сурхондарё вилояти Жарқўрғон тумани;
- Сирдарё вилояти Сайхунобод тумани;
- Тошкент вилояти Бўка тумани.
2023 йил 1 мартгача мол-мулк ва ер солиғи бўйича ҳисобланган, тўланган маблағлар ва солиқ қарздорликлари тўғрисидаги маълумотлардан маҳаллалар реал вақт режимида фойдаланиш имконияти яратилади.
«Маҳалла бюджети» тизими асосида шакллантирилган маблағлар «Фуқароларнинг ўзини ўзи бошқариш органлари тўғрисида»ги қонунда назарда тутилган фуқаролар йиғини кенгаши томонидан бошқарилади.
Изоҳ (0)