Koreya Kasalliklar nazorati va profilaktikasi bo‘yicha agentligi (KDCA) mamlakatda birinchi marta Fouler negleriyasi (Naeglaria fowleri) turidagi amyoba bilan zaharlanish holati qayd etilganini ma’lum qildi, u Tailanddan qaytib kelgan fuqaroda aniqlangan.
50 yoshli erkak to‘rt oy davomida Janubi-Sharqiy Osiyoda bo‘lib, 10-dekabr kuni Janubiy Koreyaga qaytgan va ertasi kuni kasalxonaga yotqizilgan. U o‘tgan hafta vafot etgan.
Bemorda meningit belgilari — bosh og‘rig‘i, isitma, nutq yo‘qolishi, qayt qilish, ensa mushaklarining tarangligi kuzatilgan. Genetik test o‘tkazish natijasida erkakda Naeglaria fowleri borligi tasdiqlangan.
Naeglaria fowleri — odatda chuchuk suvli iliq ko‘llarda, daryolarda, kanallarda va hovuzlarda uchraydigan amyoba. U burun orqali miyaga o‘tadi va miya to‘qimasini yeb qo‘yadi. Shu tufayli OAVlarda ushbu kasallik “miyani yeb qo‘yadigan amyoba” deb ataladi. Ushbu amyoba o‘limga olib keluvchi birlamchi amyoba meningoensefalitni keltirib chiqaradi.
KDCA ma’lum qilishicha, amyoba odamdan odamga o‘tishi ehtimoli katta emas, shu bilan birga, mahalliy aholida kasallik aniqlangan hududda suv havzalarida cho‘milmaslik so‘raldi.
Ma’lumotlarga ko‘ra, so‘nggi 60 yil mobaynida amyoba bilan zaharlanishga bog‘liq 400 ga yaqin holat qayd etilgan, shularning 150 tasi — AQSHda aniqlangan. 97 foiz holatda bemorlar halok bo‘lgan. Shu bilan birga, mutaxassislar aytishicha, bu onda-sonda uchraydigan hodisadir, chunki kasallik odamdan odamga yuqmaydi.
Izoh (0)