Ijtimoiy tarmoqlarda Andijon shahar 2-kichik dahada transformator punktida yong‘in kelib chiqqani to‘g‘risida videoxabar tarqaldi. "Hududiy elektr tarmoqlari” Andijon hududiy filiali holat yuzasidan ma’lumot berdi.
Qayd etilishicha, Andijon shahar elektr ta’minoti korxonasi tezkor chiqish brigadasi tomonidan 2-kichik dahada joylashgan 155-sonli transformator punktida 25-dekabr kuni soat 20:50 atrofida nosoz transformator o‘rniga zahiradagi transformator punktiga almashtirilib ishga tushirilayotgan bo‘lgan.
Shu paytda transformatorning 0,4 kV tomonidagi ajratkichda(rubilnik) qisqa tutashuv yuz berishi oqibatida favqulodda o‘chgan. Buning natijasida 6 ta ko‘p qavatli uylarda yashovchi 380 ga yaqin aholi elektr ta’minotidan uzilgan.
“Hozirda tezkor chiqish brigadasi tomonidan aniqlangan kamchiliklar bartaraf qilinmoqda. Tez fursat ichida ushbu hududda yashovchi aholi xonadonlarida elektr ta’minoti to‘liq tiklanadi”, — deyiladi xabarda.
Izoh (0)