Samarqand viloyatining Urgut tumanida ayol yosh bolasini kaltaklayotgani aks etgan video e’lon qilindi.
Videoni ayolning o‘zi tasvirga olgan. Unda yerda yotgan bolaning burni qonab ketganiga qaramay, uni tinmay urayotgani aks etgan. Yonida kattaroq qizcha o‘tirganini ham ko‘rish mumkin.
“Muxbir.uz” Telegram-kanalining yozishicha, ayolning qaynonasi kelini hali yosh nevaralarini doimiy ravishda qattiq kaltaklayotgani, o‘ldirib qo‘yishidan qo‘rqayotganini aytib, murojaat qilgan.
Urgut tumani hokimligi bergan xabarga ko‘ra, mazkur voqea shu kunning o‘zida tegishli mas’ullar tomonidan o‘rganilib, ona hamda uning farzandining sog‘lig‘i va ruhiy holati mutaxassislar nazoratiga olindi.
Shuningdek, ushbu holatga huquqni muhofaza qiluvchi organlar tomonidan huquqiy baho beriladi.
Izoh (2)
Ona bo'may o'l. Nima qilarding bolani xor qilsang tug'ib. Xudodan qo'rqmisanmi. Uvoli uradi xali shu bolachani. Onasanku 9 oy qorningda ko'tarib yurib ming azobda tug'gansanku shu bolani.
Шундай ота-оналарга мурожаат! Менга бер шу болани мен қараб оламан! Унга азоб берма фақат!!! тел №335033001!