“2000-yillarda xususiy klinika ochish uchun byurokratiya va ko‘plab qiyinchiliklar bor edi” – shifokor Maqsud Mallayev

O‘zbekistonda 2000-yillarda xususiy klinika ochishda byurokratiya va qiyinchiliklar ko‘p bo‘lgan. Bu haqda shifokor Maqsud Mallayev “Daryo”ga bergan intervyusida aytdi.

Maqsud Mallayevning ta’kidlashicha, hozirda xususiy klinikalar ochish uchun tadbirkorlarga katta imkoniyatlar berilmoqda.

“Joriy yilda davlat klinikalariga tengma-teng raqobat qila oladigan xususiy klinikalar soni keskin oshdi. Bu tibbiyotga berilayotgan yengilliklardan dalolat. 2000-yillarda bitta xususiy klinikani ochish uchun byurokratizm va ko‘plab qiyinchiliklar bo‘lardi. Hozirda xususiy klinika ochishda muammolar yo‘q. Qolaversa, bu yo‘nalishda davlat tomonidan subsidiyalar ham beriladi”, — dedi shifokor.

Avvalroq O‘zbekiston tibbiyotida 2022-yil davomida qanday o‘zgarishlar yuz bergani xabar qilingandi.