Qashqadaryo viloyati sog‘liqni saqlash boshqarmasiga qarashli salomatlikni tiklash shifoxonasida gaz bosimi ortib, portash yuz berdi. Bu haqda Nasafnews xabar qildi.
Viloyat IIB matbuot xizmatining ma’lum qilishicha, 24-dekabr taxminan soat 07:00 larda Qarshi shahar IIO FMB 4-sonli IIB navbatchilik qismiga Qarshi shahar “Ravoq” mahallasida joylashgan viloyat sog‘liqni saqlash boshqarmasiga qarashli salomatlikni tiklash shifoxonasi ikkinchi qavatidagi xonalardan birida chaqnash sodir bo‘lgani haqida xabar kelib tushgan.
Hodisa oqibatida ikki nafar fuqaro tan jarohati olib, shifoxonaga yotqizilgan.
Mazkur holat yuzasidan Jinoyat kodeksining 259-moddasi 1-qismi (yong‘in xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
Izoh (0)