Хитой расмийлари сўнгги уч ҳафтада мамлакатда 250 миллионга яқин одам коронавирусга чалинганини маълум қилди. Бу ҳақда Fox News хабар берди.
Хитой Касалликларни назорат қилиш ва олдини олиш маркази директори ўринбосари Сун Янг юқори лавозимли амалдорларнинг ёпиқ эшиклар ортида ўтган учрашувида бу рақамларни тақдим этди. Инфекция даражаси ўсишда давом этмоқда ва Пекин, Сичуан аҳолисининг ярмидан кўпи аллақачон ковид юқтирган.
Касаллик сонининг ошиши фонида, Хитой Миллий соғлиқни сақлаш комиссияси 25 декабрдан бошлаб COVID-19 билан боғлиқ кундалик статистик маълумотларни эълон қилишни тўхтатди.
«COVID-19 ҳақидаги тегишли маълумотлар Хитой Касалликларни назорат қилиш ва олдини олиш марказлари томонидан тадқиқот мақсадларида эълон қилинади», — дейилади комиссия баёнотида.
Шу билан бирга, комиссия бунинг сабабларини тушунтирмаган. Хитойда 20 декабрь куни бор-йўғи бир кунда 37 миллион киши коронавирус билан касаллангани келтириб ўтилганди. Кунлик ўлим даражаси беш минг киши атрофида бўлган. Расмий равишда, Хитой ҳукумати декабрь ойи бошидан бери атиги касалланишнинг уч минг ҳолатни тасдиқлаган.
Изоҳ (0)