Xitoyda dekabrdan beri chorak milliard odam kovid bilan kasallangan, bu mamlakat aholisining 18 foizini tashkil qiladi. Bu haqda Bloomberg xabar berdi.
Mazkur ma’lumot Milliy sog‘liqni saqlash komissiyasining yopiq yig‘ilishida taqdim etildi. Unda 20-dekabr kuni bor-yo‘g‘i bir kunda 37 million kishi koronavirus bilan kasallangani keltirib o‘tilgan. Bungacha mustaqil tahlilchilar yaqinda kasallanishlar sonini taxminiy million kishiga baholagandi. Kunlik o‘lim darajasi besh ming kishi atrofida bo‘lgan. Rasmiy ravishda, Xitoy hukumati dekabr oyi boshidan beri atigi kasallanishning uch ming holatni tasdiqlagan.
Uch yil davomida kovidga nisbatan nol bardoshlik siyosatiga amal qilgan Xitoy hukumati 2022-yil oxirida cheklovlarni keskin yumshatishga kirishdi. Buning sababi, aholining doimiy blokirovkalardan charchagani sababli mamlakatdagi norozilik namoyishlari bo‘ldi.
Dastlab ularning ishtirokchilari COVIDga qarshi cheklovlarni to‘xtatishni so‘radi, ammo keyin siyosiy talablarni ilgari sura boshladi. Rasmiylarga ko‘ra, Xitoyda aholining 90 foizdan ortig‘i to‘liq emlangan, ammo asosiy xavf guruhi bo‘lgan qariyalar orasida yarmidan kamrog‘i vaksina olgan. Shu bilan birga, mustaqil ekspertlar Xitoyda qo‘llanilayotgan vaksinalarning samaradorligiga shubha bilan qaraydi.
Izoh (0)