Jahon amaliyotida artemiya sistasidan olingan preparatlar qishloq xo‘jaligi, tibbiyot va kosmetologiyada keng qo‘llaniladi. Bu haqda Veterinariya va chorvachilikni rivojlantirish davlat qo‘mitasi boshqarma boshlig‘i Sobidjon To‘laganov “Daryo”ga ma’lum qildi.
Mutaxassislarning fikricha, artemiya asosan xlorli, sulfatlangan, karbonatli va sho‘rlangan muhitda (1 litr suvda 300 grammgacha tuz) yaxshi ko‘payadi. Bu filialiopodlar sinfi mutatsiyaga uchramagan va yuz million yildan ortiq o‘zgarmagan oddiy organizm hisoblanadi. Dunyoda bu jonzotning bir necha turlari mavjud. Orol dengizida yashovchilar Artemia parthenogenetica — sho‘r qisqichbaqalar turiga tegishli.
Jahon amaliyotida artemiya sistasidan olingan preparatlar beshta sohada – akvakultura sanoati, qishloq xo‘jaligi, farmatsevtika, tibbiyot va kosmetologiyada keng qo‘llaniladi.
Bronliopodlar sinfi mahsulotlarining yana bir xususiyati shundaki, u tabiiy ravishda terining immunitetini mustahkamlaydi, rangini yaxshilaydi va ultrabinafsha nurlaridan himoya qiladi. Shuning uchun butun dunyoda u kosmetologiya sohasida bebaho mahsulot hisoblanadi.
Qo‘mita mas’ul xodimining aytishicha, joriy yilning o‘tgan davrida 1 ming 266 tonna artemiya sistasi Xitoy, Vyetnam va boshqa mamlakatlarga yetkazib berilgan.
“Artemiya sistasi mahsulotlarini Yevropa Ittifoqining davlatlariga eksportga tegishli ruxsatini olish yuzasidan veterinariya talablari bo‘yicha birlamchi hujjatlari tayyorlanib, Yevropa Ittifoqining vakolatli organi bilan amaliy ishlar olib borilmoqda”, — Sobidjon To‘laganov.
Ma’lumot uchun, Rossiya uni qayta ishlab, 12 dollarga eksport qiladi. Belgiyaning NV kompaniyasi Artemiya sistalarini ishlab chiqarish va sotish bo‘yicha dunyoda etakchi ekanligi ham qiziq. Darhaqiqat, bu mamlakatda bunday qisqichbaqasimonlar umuman yo‘q: xomashyo xorijdan keltiriladi, uning 500 grammlik tayyor mahsuloti esa 150 yevro turadi. Chuqur qayta ishlash uchun zarur shart-sharoit yaratilsa, u holda tayyor mahsulotni 50 dollardan 250 dollargacha sotish mumkin bo‘ladi.
Izoh (0)