Хитойда коронавируснинг янги тўлқини илгари дунёнинг турли мамлакатларида тарқалган штаммлар туфайли юзага келди. Бу ҳақда GISAID (Глобал Вирус Геном маълумотлар базаси) га таяниб, Bloomberg хабар берди.
Ҳукумат ноябрь ойида Пекин, Гуанчжоу ва Ички Мўғулистонда (Хитой шимолидаги автоном ҳудуд) тўпланган 25 та генетик намунани маълумотлар базасига киритган. Уларни ўрганиб чиққандан сўнг, олимлар вирус одамдан одамга юққанда табиий равишда содир бўладиган кичик ўзгаришларни пайқаган.
«Ҳозирча янги коронавирус варианти борлиги ҳақида ҳеч қандай далил йўқ», — деди GISAID бош директори Питер Богнер.
Хитойнинг Касалликларни назорат қилиш ва олдини олиш маркази томонидан тақдим этилган намуналар GISAID маълумотлар базасида мавжуд бўлган баъзи намуналарга жуда ўхшаш бўлиб чиққан. Ҳозирда база 14,4 миллион SARS-CoV-2 геномик кетма-кетлиги ҳақида маълумотни ўз ичига олади. Хитойда «омикрон»нинг БФ.7 ва БА.5.2 субвариантлари касаллик авж олишига сабаб бўлган. Бу вирус турлари АҚШ ва Россияда ҳам қайд этилган.
Эслатиб ўтамиз, 20 декабрь куни бор-йўғи бир кунда 37 миллион киши коронавирус билан касаллангани келтириб ўтилган. Бунгача мустақил таҳлилчилар яқинда касалланишлар сонини тахминий миллион кишига баҳолаганди. Кунлик ўлим даражаси беш минг киши атрофида бўлган. Расмий равишда, Хитой ҳукумати декабрь ойи бошидан бери атиги касалланишнинг уч минг ҳолатни тасдиқлаган.
Изоҳ (0)