“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 12-soni mavzusi “Jamoat transporti muammolari” bo‘lib, dastur mehmoni sifatida iqtisodchi Otabek Bakirov taklif etildi.
Mening tasavvurimda jamoat transporti haydovchilari, iloji boricha, o‘rta va undan katta yoshdagi odamlar bo‘lishi kerak — ular bosiq, hayotda ko‘p sinov ko‘rgan, o‘z ichki qoidalari shakllangan. Fikrimcha, eng yaxshi haydovchilar — shular. Chunki ularning yo‘qotadigani, oilasi, qarindoshlari, hayotda maqsadi bor, turli o‘lchovlari shakllangan. Ular o‘z-o‘zidan, behuda ovoz ko‘tarmaydi, kim bilandir bahslashmaydi, jimgina vazifasini bajaradi.Imtiyoz masalasiga kelsak, haydovchilardan kassa talab qilishni umuman yo‘qotish kerak. Butun dunyoda mavjud yagona KPI avtobuslarning vaqtida harakatlanishi bo‘lishi kerak. Masalan, 17:45 da “Darxon” bekatidan o‘tishi kerak bo‘lgan avtobus, aynan shu vaqtda shu bekatdan o‘tdimi, demak, bu haydovchiga maoshini kechiktirmay berish lozim, — deydi iqtisodchi.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)