Yaponiyada 17-dekabrdan beri tinmayotgan qor oqibatida 8 kishi halok bo‘ldi, 45 kishi jarohatlandi, deb xabar bermoqda NHK mamlakat Ichki ishlar vazirligiga tayanib.
Qurbonlar orasida yoshlar ham, keksalar ham bor. Masalan, 20 yoshli qiz qor bilan qoplangan mashina ichida o‘lik holda topilgan. Dastlabki ma’lumotlarga ko‘ra, u avtomobil glushetili qorga to‘lib qolganidan so‘ng is gazidan zaharlangan. 80 yoshli qariya esa uy tomidan tushgan qor ostida qolib halok bo‘ldi. Jarohatlanganlarning 19 nafari og‘ir tan jarohati, xususan, sinish bilan kasalxonaga yotqizilgan.
Mamlakatda qor yog‘ishi ortidan yuzaga kelayotgan baxtsiz hodisalar tufayli yo‘llarda muammolar boshlandi, aeroportlarda parvozlar bekor qilindi, deb ta’kidlaydi NHK. Sinoptiklarning prognoz qilishicha, mamlakatda yomon ob-havo davom etadi. 26-dekabr, dushanba kuni ham Yapon dengizi sohillarida, ham Tinch okeani tomonda kuchli qor yog‘ishi kutilmoqda.
Izoh (0)