Rossiyaning Sankt-Peterburg shahri “Smolninskoye” munitsipal okrugi deputati Nikita Yuferev Rossiya Bosh prokuraturasi va Ichki ishlar vazirligiga Vladimir Putinga nisbatan Rossiya armiyasi haqida “feyk” ma’lumotlarni tarqatish moddasi bo‘yicha jinoiy ish qo‘zg‘atish talabi bilan murojaat qildi.
Yuferev Rossiya prezidentining 21-dekabr kuni Kremlda bo‘lib o‘tgan matbuot anjumanida “urush” so‘zini ishlatgan nutqi yuzasidan tekshiruv o‘tkazishni so‘ramoqda.
“Maqsadimiz harbiy mojaro g‘ildiragini aylantirish emas, aksincha, bu urushni tugatish, biz shunga intilyapmiz va bundan keyin ham harakat qilamiz”, — degan Putin jurnalistlarga.
“Urush haqidagi bunday so‘zlar uchun shu vaqtgacha bir necha ming kishi hukm qilingan. Putinning armiya haqida ‘feyk’ xabarlar tarqatgani uchun javobgarlikka tortish bo‘yicha organga murojaat yubordim”, — deb tushuntirdi Yuferev.
Владимир Путин назвал войну войной: «Наша цель - закончить эту войну». Но указа о завершении СВО не было, войну не объявляли. За такие слова про войну осудили уже несколько тысяч человек. Направил обращение в органы, чтобы Путина привлекли за распространение фейков об армии pic.twitter.com/dEmNSyNwyQ
— Никита Юферев (@NikitaYuferev) December 22, 2022
Sentabr oyida “Smolninskoye” Mudofaa vazirligi deputatlari Davlat Dumasini Ukrainadagi urush tufayli Vladimir Putinga davlatga xiyonat bo‘yicha ayblov qo‘yishga chaqirgan edi. Shundan keyin Yuferevga nisbatan armiyani “obro‘sizlantirish” to‘g‘risida protokol tuzildi.
Rossiya hukumati Ukrainadagi urush haqida gapirganda, “maxsus harbiy operatsiya” atamasini ishlatadi. Putin o‘z bayonotida “urush” so‘zini 2014-yilda boshlangan Donbassdagi mojaroga ishora qilish uchun ishlatgan.
Izoh (0)