Toshkentda 2 ayol o‘zganing uyidan 7 ming dollar va 90 ming dollarlik taqinchoqlarni o‘g‘irladi

Toshkent shahri Ichki ishlar bosh boshqarmasi xodimlari uydan seyfni o‘g‘irlaganlikda gumonlanuvchi shaxslarni qo‘lga oldi. Bu haqda boshqarma axborot xizmati xabar berdi.

Qayd etilishicha, dekabr oyida Shayxontohur tumani IIO FMBga 41 yoshli F.N. uyidan pul va zargarlik buyumlari yo‘qolgani haqida ariza bilan murojaat qilgan. Ko‘rilgan chora-tadbirlar natijasida ushbu jinoyatni sodir etishda gumon qilingan, 32 yoshli M.A. (ayol) va 34 yoshli M.K. (ayol) aniqlanib, qo‘lga olindi.

Ular uy egalarining yo‘qligidan foydalanib, xonalardan birining eshigini kalit tanlash yo‘li bilan ochib, ichida 7 ming dollar va jami 90 ming dollarlik tilla taqinchoqlari bo‘lgan seyfni o‘g‘irlab ketgani aniqlangan.

Holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilgan. Tergov davom etmoqda.

Mavzuga doir:

• Qo‘qonda voyaga yetmagan qiz xonadondan 1,5 mln so‘mlik tilla uzuk o‘g‘irladi
• Farg‘onada do‘kondan 9 mln so‘mlik telefon solingan seyfni o‘g‘irlagan ayol qo‘lga tushdi
• Toshkentda bir nechta o‘g‘riliklarni sodir etgan jinoiy guruh a’zolari qidirilmoqda