Farg‘ona viloyati Qo‘qon shahrida voyaga yetmagan qiz xonadondan 1 million 560 ming so‘mlik tilla uzukni o‘g‘irlagani aniqlandi. Bu haqda viloyati ichki ishlar boshqarmasi axborot xizmati xabar bermoqda.
Aniqlanishicha, Qo‘qon shahri Abu Tayyib Xo‘qandiy ko‘chasida yashovchi K.A. ismli ayol IIBga murojaat qilib, unda 8-noyabrdan 10-noyabrgacha bo‘lgan vaqt oralig‘ida noma’lum shaxs yashash xonadoniga g‘ayriqonuniy ravishda kirib, narxi 1 560 000 so‘mlik tillo uzugini yashirin ravishda o‘g‘irlab, hodisa joyidan yashiringanini ma’lum qilgan.
Mazkur holat yuzasidan shahar IIB huzuridagi tergov bo‘limi tomonidan Jinoyat kodeksining 169-moddasi 2-qismi “g” bandi (o‘g‘rilik) bilan jinoyat ishi qo‘zg‘atilgan. Olib borilgan tezkor-surishtiruv ishlari davomida ushbu jinoyatni voyaga yetmagan T.Z. ismli qiz sodir etgani aniqlanib, protsessual tartibda ushlangan.
Mavzuga doir: Farg‘onada xonadondan tilla taqinchoqlar va 600 dollarni o‘g‘irlagan voyaga yetmagan shaxs ushlandi
Izoh (0)