Jahon sog‘liqni saqlash tashkiloti (JSST) rahbari Tedros Adxanom Gebreyesus kelgusi yil uchun tashkilotning beshta ustuvor yo‘nalishlarini belgiladi.
Brifingda so‘zga chiqqan Gebreyesus 2022-yilda, COVID-19 pandemiyasining uchinchi yilida ham global chechak, ko‘plab mamlakatlarda vabo va Ugandada Ebola epidemiyasi avj olganini aytdi. Bundan tashqari, Afrika Katta shoxi va Sahelda qurg‘oqchilik va suv toshqinlari sodir bo‘lgani va Pokistonda kuchli suv toshqini yuz bergani qayd etildi.
Biroq Gebreyesusning ta’kidlashicha, COVID-19 pandemiyasi, shuningdek, chechakning global tarqalishi kamaymoqda, Ugandada Ebola bilan bog‘liq yangi holatlar uch haftadan ko‘proq vaqt davomida kuzatilmagan.
“Umid qilamizki, bu favqulodda vaziyatlarning barchasi kelgusi yilda yakunlanadi”, — dedi u.
JSST rahbari butun dunyo bo‘ylab COVID-19 dan o‘lim keskin kamayganini qo‘shimcha qildi, shu bilan birga pandemiya hali tugamagani haqida ogohlantirdi.
Gebreyesus 2023-yilda JSST uchun beshta ustuvor yo‘nalishni belgilab berdi:
- salomatlikni mustahkamlash va kasalliklarning oldini olishga e’tibor berish;
- tibbiy xizmatlardan, ayniqsa, birlamchi tibbiy-sanitariya yordamidan hamma foydalanishini ta’minlash;
- favqulodda vaziyatlarga tayyorgarlik ko‘rish va ularni bartaraf etish choralarini kuchaytirish;
- tadqiqot, fan va texnologiyani rivojlantirish;
- JSSTni isloh qilishni davom ettirish.
Izoh (0)