Xitoyning 2022-yilda budjet taqchilligi rekord darajaga yetdi. Bu haqda Bloomberg xabar bermoqda.
Ta’kidlanishicha, COVID-19 uchun “nol bardoshlik” siyosati va uy-joy bozorida davom etayotgan pasayish iqtisodiyot va davlat moliyasiga zarar yetkazgan.
Agentlikning Xitoy Moliya vazirligi ma’lumotlariga asoslangan hisob-kitoblariga ko‘ra, yanvar-noyabr oylarida budjet taqchilligi 7,75 trillion yuanni (1,1 trillion dollar) tashkil qilgan.
Bu o‘tgan yilning shu davriga nisbatan ikki baravar ko‘p. Hatto 2020-yilgi pandemiya inqirozida ham bunday budjet taqchilligi kuzatilmagan edi.
Xitoy moliya vaziri Liu Kunning so‘zlariga ko‘ra, bu yilgi jami budjet xarajatlari o‘tgan yilgi 24,6 trillion yuandan 26,3 trillion yuanni tashkil etishi kutilmoqda.
Xitoyda koronavirus cheklovlari iste’molchi va biznes xarajatlariga ta’sir qilib, ikkinchi chorakda iqtisodiyotni retsessiyaga olib keldi. Joriy chorakda koronavirusning ko‘payishi oktyabr va noyabr oylarida chakana savdoning pasayishiga olib keldi.
Koronavirusga nisbatan “nol tolerantlik” siyosatini amalga oshirish jarayonida uni saqlab qolish tobora qimmatlashib bormoqda, deb yozadi agentlik.
Xitoyda noyabr oyi oxirida keskin koronavirus cheklovlariga qarshi ommaviy norozilik namoyishlari boshlandi. Buning fonida ba’zi shahar hokimiyatlari cheklov choralarini yumshata boshladi.
Avvalroq Xitoydagi eng badavlat milliarderlarning boyligi bir yil ichida 40 foizga kamaygani haqida xabar berilgan edi.
Izoh (0)