O‘zbekiston importida 2022-yilning yanvar—noyabr oylarida yuqori ulushga ega bo‘lgan hamkor davlatlar ma’lum qilindi. Bu haqda Davlat statistika qo‘mitasi matbuot xizmati xabar bermoqda.
Qayd etilishicha, o‘n bir oyda O‘zbekiston importining asosiy qismi Xitoyga to‘g‘ri kelgan — 5,8 mlrd dollar. Birgina noyabr oyining o‘zida Xitoyda 500 ming dollarlik import amalga oshirilgan.
Yil boshidan beri Rossiya 5,5 mlrd dollarlik ko‘rsatkich bilan ikkinchi bo‘lib turgan bo‘lsa, Qozog‘iston uchinchi o‘rinda bormoqda — 2,9 mlrd dollar.
Shuningdek, O‘zbekiston quyidagi davlatlardan ham importni amalga oshirmoqda:
- Koreya — 2,1 mlrd;
- Turkiya — 1,5 mlrd;
- Germaniya — 856,5 mln;
- Turkmaniston — 674,3 mln;
- Hindiston — 595 mln;
- Braziliya — 500 mln;
- BAA — 378 mln dollar.
2021-yilning mos davrida O‘zbekiston importida eng yuqori ulushga ega bo‘lgan davlat Rossiya edi. Biroq 2022-yilning dastlabki oylaridanoq bu borada Xitoy Rossiyani ortda qoldirdi va hamon yetakchilik qilmoqda.
Shunga qaramay, noyabr oyida O‘zbekistonda Rossiyadan Xitoyga qaraganda 100 ming dollarga ko‘proq mahsulot va xizmatlar import qildi.
Mavzuga doir:
Izoh (0)