Ukraina prezidenti ofisi rahbari Mixail Podolyak Ukraina tomoni qamoq jazosini o‘tayotgan Gruziyaning sobiq prezidenti Mixail Saakashvilini qabul qilishga tayyorligini ma’lum qildi. Podolyakning so‘zlariga ko‘ra, Kiyev Saakashvilining xavfsizligini ta’minlashga va uni davolashga tayyor.
“Ukraina Saakashvilini qabul qilishga, uning xavfsizligini ta’minlashga va kerakli muolajani ko‘rsatishga tayyor”, — deb yozdi Mixail Podolyak Twitter’da. Avvalroq Ukraina prezidenti Vladimir Zelenskiy Mixail Saakashvili qo‘yib yuborilishi va davolanish uchun Ukrainaga jo‘natilishi kerakligini aytgandi. Saakashvili Ukraina fuqaroligiga ega va ilgari Odessa viloyatining rahbari bo‘lgan.
Mixail Saakashvili Gruziyada mansab vakolatini suiiste’mol qilganlikda ayblanib, olti yillik qamoq jazosiga hukm qilingan. May oyidan beri Mixail Saakashvili elita Vivamedi klinikasida davolanmoqda. Uning advokati aytishicha, Saakashvilida 36 ta kasallik, jumladan sil va demans bor. Shuningdek, uning qonida simob va og‘ir metallar borligi aniqlangan. Uning zaharlangani haqida ham taxminlar bo‘ldi. Ko‘p o‘tmay Vivamedi klinikasi direktori Yevropadan kelgan shifokorlar Mixail Saakashvilida zaharlanish izlarini topmaganini ma’lum qildi.
Izoh (0)