Rossiya va Eron Sharqiy Yevropadan Hind okeanigacha bo‘lgan 3 ming km uzunlikdagi yangi transkontinental savdo yo‘lini yaratishga kirishdi. Bu haqda Bloomberg xabar bermoqda.
“Loyihaning maqsadi — ikki davlatning Kaspiy dengizidagi dengiz va temir yo‘l tarmoqlari orqali yuklarni yetkazib berishni tezlashtirish istagi bo‘lgan”, — deb yozadi agentlik
Shunday qilib, Rossiya va Eron G‘arb sanksiyalarining mamlakatlar iqtisodiyoti va savdo aloqalariga ko‘rsatayotgan bosimini kamaytirmoqchi.
Bloomberg ma’lumotlariga ko‘ra, marshrutning shimoliy nuqtasi Azov dengizida joylashgan.
Bloomberg tomonidan tuzilgan kema kuzatuvi ma’lumotlariga ko‘ra, Rossiya va Eronning o‘nlab kemalari, jumladan, sanksiyalarga duchor bo‘lgan kemalari ham allaqachon yo‘nalish bo‘ylab harakatlanmoqda.
Londondagi Xalqaro strategik tadqiqotlar instituti eksperti Mariya Shaginaga ko‘ra, Rossiya va Eron ichki savdo yo‘lagi yaratish uchun 25 milliard dollargacha sarmoya kiritadi.
7-dekabr kuni Eronning Rossiyadagi elchisi Kazem Jaloli Moskva va Tehron tez orada keng qamrovli hamkorlik bo‘yicha uzoq muddatli shartnoma imzolashini aytgan.
Eron prezidenti Ibrohim Raisiy so‘zlariga ko‘ra, “Shimol—Janub transport koridorini rivojlantirish kun tartibida qolmoqda”.
Izoh (0)